香港亞洲電影投資會（HAF）是電影業辦公室項目市場（HKIFF Industry Project Market）其中一個重要項目，將於3月17至19日與香港國際影視展同時舉行。發展中電影計劃（IDP）是HAF的三個類別之一，今年共收到來自45個國家和地區共276份申請，從中選出了25個入圍項目。《不明事件》（Something in the way）與《海不揚波》（Waves under the sea）是當中的入圍項目，早前分別訪問兩部電影的導演和監製，分享作品的創作和現階段面對的挑戰。

不明事件（導演樊家駿、監製林淑賢）

《不明事件》是導演樊家駿首部長片作品，他畢業於香港電影導演會電影導演教室及香港都會大學創意電影編劇班，曾參與的電影有《八步半喜怒哀樂》、《G風暴》、《掃黑行動》、《4拍4家族》、《潛行》等。短片《破夢》分別入圍2018年Oregon Scream Week! 俄勒岡州恐怖電影節、獲2018年Action On Film國際電影節恐怖影片最佳表揚。監製林淑賢（Debbie）曾參與近30部中外電影製作，包括《十二生肖》、《變形金剛4：絕跡重生》、《紐約紐約》、《追捕》等，任職行政監製、執行監製及製片等崗位。2021年開始成為獨立監製，為陳健朗監製其首部電視劇《那年盛夏我們綻放如花》。

樊家駿：「《不明事件》係一部超現實懸疑犯罪片，「不明」嘅意思係你睇唔見，故仔講一個警察患咗面盲症，佢睇唔到人樣，但睇到人內心嘅赤裸，喺一個善惡模糊嘅價值觀度，你點樣面對自己。」

家駿與Debbie在香港電影工作者總會的「總會拍電影」計劃中結緣，《不明事件》是其中一個參賽項目，並入圍最後15個能參與相關workshop的項目之一。期間，Debbie坦言劇本有不少漏洞，並給予家駿意見。「《不明事件》最後成了落選佳麗，但家駿改咗之後又再揾我睇，之後慢慢再develop，然後就做咗佢監製。」

家駿表示因緣際會認識了張家振老師，他建議家駿找一位不單在創作上幫到手的監製，還能在市場上找到投資者的監製，其後他在「總會拍電影」的workshop認識Debbie。「Debbie好細緻同我傾劇本，我感受到佢好認真睇每一個劇本，喺創作上亦都俾咗好多意見我去改善。加上佢喺呢方面都好有經驗，所以我就冒昧問佢可唔可以做我監製。」

海不揚波（導演陳思樣、監製陳慶嘉＆翁梓灝）

《不明事件》也是導演陳思樣的首部長片，她在廣東汕尾出生，畢業於香港浸會大學電影學院碩士，去年完成了同名短片作品。監製是資深作家和電影人陳慶嘉，曾憑《三人世界》、《野獸刑警》和《江湖告急》獲得香港電影金像獎或香港電影評論學會大獎的最佳編劇。近年為多位新導演監製電影，當中包括陳志發的《點五步》、黃綺琳的《金都》和何妙祺的《我談的那場戀愛》，三部電影皆是香港電影評論學會的推薦電影。

《海不揚波》的故事靈感來自思樣家鄉的記憶。「電影係講一個海邊小鎮裡面兩個少年嘅成長故事，係一部偏現實主義嘅青春片。故事嘅文化背景係好父權嘅潮汕文化，我自己係潮汕人，電影係關於我家鄉嘅印象，或者係一啲混合咗自己成長一路諗緊又想喺我呢個年紀去表達嘅嘢。」

思樣在學校時上過陳慶嘉的課，從他對劇本的分析和看法學習如何寫一個長篇劇本。陳慶嘉表示思樣在學校時已和他談過這故事，當時他覺得可以再發展。「一個女仔去寫兩個男性嘅成長同埋父權，我覺得好有趣。村落內兩個少年，一個去追尋自由，另外一個守護傳統，當中亦都影響二人之間嘅關係，我覺得好好睇，香港好少呢一類嘅戲。其實我都只係俾意見，後來我哋Filmart又撞返，佢可能忙於創作冇時間揾監製，佢問我可唔可以幫佢做住監製先，我話好，反正我好鍾意呢個故仔。」

與新導演合作的心得

作為新導演，總會有很多東西想嘗試，但缺乏經驗下會容易走了冤枉路甚至迷失，特別是在理想與現實之間出現矛盾。家駿說最令他恐懼的是質疑自己，走入一個他形容為最恐怖的深淵。「你會諗而家做緊嘅嘢係咪正確？係咪應該繼續做落去？」

「先要面對現實，尤其是新導演，喺資金上要搵到一個高budget嘅投資難度相對較大，要考慮嘅係點樣以限米煮一餐好味嘅飯菜。」Debbie有豐富的製作經驗，她有信心在資源運用上可以幫助新導演，同時在創作上為導演提出意見，但要有心理準備會經常打倒昨日的我。

陳慶嘉認為與新導演合作最初一定是創作輔導，接下來就是心理輔導。「每一個新導演拍第一部戲嘅時候都會迷失，因為你第一部戲一定係你自己最想講嘅嘢，亦最能夠表達個人嘅一種態度，我其實就係要幫佢搵返自己。點解要心理輔導呢？因為喺創作過程入面，除咗要經歷創作嘅挫敗外，仲有揾資金嘅挫敗，揾演員嘅挫敗，每一次都要support佢，鼓勵佢唔好放棄。」

市道是挑戰 也是機會

陳慶嘉認為低迷的市道也有好處，「乜都唔得，亦都係乜都得。」

嘗試約定俗成以外的方式是另一種可能性。他表示會將目標投向一些較少投資電影的投資者，以創作打動他們。「一定要講得好清楚未必賺到錢，但導演好值得栽培，劇本或電影好值得存在。」他強調要找合適的演員，因為現在香港已沒有演員能夠有百分百票房保證，黃子華可能是例外。「我覺得其實觀眾個接受面幾闊，我自己粗略估計過，只要好用心拍一部戲，有啲意思，同埋新啲嘅題材，其實香港最少有600萬票房，唔理你邊個做。」

Debbie說要置之死地而後生，她認為票房號召力要因應不同市場或者不同時間，現在已經沒有一個相對標準，反而最重要的是有一個right cast或者right crew。「你套戲總要有啲位感動到觀眾，但係喺感動觀眾之前，創作人要自high咗先，自己先要感動自己，如果我連自己都感動唔到，我點會感動到其他人。」

從創作人的角度看，家駿強調若電影項目有機會成事，最重要是盡力將電影拍好，他認為每一位電影人若能做好自己本分，相信觀眾是會看見的。「我睇香港電影大，以前嘅香港電影都係類型片嘅一種，比較有娛樂性，細個睇戲有一種好開心嘅感覺。如果俾我有機會去拍戲，我希望透過電影，將以前睇戲嗰種好興奮嘅感覺俾返觀眾。」

思樣認為她們這一代可以從新的角度看事情，特別是一些過去沒有出現過或沒有人說過的東西。「好像我一個女仔去寫兩個男仔嘅故事，我唔知講得啱唔啱，但如果係少人講嘅話，反而係一件有意義嘅事。」

攝影：Gary Wong @電影朝聖
項目圖片：HAF