日期：2023年2月26日
地點：嘉禾 V Walk
主持：王冠豪（電影朝聖）
嘉賓：周冠威（導演、編劇）、鍾宏杰（監製、編劇）
贊助：K先生

K先生越洋發咗個message俾我，希望為正在公映的《1人婚禮》包場，讓電影能挺下去之餘，也希望向一班香港電影的有心人致謝。既然K先生扯晒旗吹雞，我點忙都好，都要做到好好睇睇，Book場、印飛和poster、預備各樣細節⋯⋯ 到公開接受登記嗰個傍晚，估唔到未到兩個鐘就爆晒，大謝各位。

好多人問K先生係邊個，唔好諗多咗係姓K嗰位，不過佢都係撐香港和香港電影嘅人，知就知啦，留啲神秘感，製造戲劇效果，掛個名「K先生特約」駕勢一吓。其實我個名都有K，導演個名都有K，監製個名也有K，香港都有K，愛香港電影都可以係K先生或K小姐。

對於《1人婚禮》，觀眾嘅反應都好唔同，都有唔同嘅感受和解讀方向，呢個亦都係電影有趣嘅地方，唔同背景想法生活體驗嘅觀眾會有唔同嘅感受。電影創作人不因遁，嘗試衝開既有嘅框架發掘不同的可能性，喺依家嘅電影生態下係任性但勇敢嘅事，有誠意嘅肯嘗試嘅一定要支持。

臨走時，監製Frankie分享佢同朋友其中兩句話：「票房係一時，電影係一世。」真！

最後，透過《1人婚禮》這專場，向一班香港電影的有心人致敬，佢地令我地相信電影嘅力量，令我地發現香港電影唔同嘅可能性。還有要多謝各位觀眾，這晚肯接下呢條電影之匙，去開香港電影嘅大門。

最後最後要感謝這次幫手的朋友，Man Tse Kwok Wai James Mak 和幫我拍照嘅 Way Cheung 。還有抽時間來分享的周導演和鍾監製。